كتبت – إيمان عمارة
هنأ الفنان شريف منير عبر حسابه الرسمي على مواقع التواصل الإجتماعي، لتبادل الفيديوهات والصور الشهيرة “إنستجرام”، ابنته أسما بعد زواجها اليوم، ونشر فيديو كتب كتاب ابنته أسما شريف منير معلقًا: “ألف مبروك يا حبيبتى ربنا يهنيكي ويسعدك”.
وكشفت أسما شريف منير في الساعات الأولى من صباح اليوم زواجها وذلك عبر حسابها بموقع تبادل الفيديوهات والصور “إنستجرام” قائلة: ”أنا الحمد لله اتجوزت، وده قرار جه بعد فترة طويلة من رحلة عشتها مع نفسي.
وتابعت “منير”: “من حاجات كتير قوي اتعلمتها، تجارب دخلت فيها، اختيارات وصلت لها، حاجات بقيت بحبها، وحاجات ما بقيتش بحبها، فهمت نفسي أكتر، اتعرفت على نفسي أكتر، فهمت أنا محتاجة إيه من الجواز، إيه المهم وإيه اللي مش مهم، إيه اللي محتاج مجهود وإيه اللي مش محتاج مجهود”.
كما أضافت: “وقعدت فترة كبيرة جدًا بدعي ربنا بإنه يعوضني خير ويعوض صبري خير، لأني كنت في الفترة دي بحاول أقصى حاجة في الدنيا إني أحافظ على نفسي وما أغضبش ربنا، وحاولت إني أدعي ربنا كتير قوي إنه يقف جنبي ويختار لي، وكنت دايماً بقول: “يا رب اختار لي ولا تخيرني”.
