كتبت – نوران عسكورة
سيطرت حالة من الغضب الشديد على رواد وسائل التواصل الاجتماعي بعد تداول فيديو للمطرب عمرو دياب أثناء صفعه لشخص على وجهه، وتبين أن الشخص يدعى “سعد أسامة” خريج كلية تجارة ومن محافظة الأقصر.
وقال الشاب صاحب واقعة الصفع: “عاوز أمسح الفيديو بأي شكل الواحد خجلان من الموقف، أنا محرج وسط صحابي، موقف مش لطيف أنا دلوقتي رايح أشتكيه في النقابة الأول وأشوف أي إجراء رسمي عشان أعوض حقي في اللي حصل”.
وعن شده لملابس الفنان قال: “أنا مقرصتوش أنا كنت بحسسه أن في حد واقف جنبه عاوز يتصور معاه مش أكتر من كدة، حطيت إيدي على ضهره عادي أنا بحبه جدًا مش بغرض أي شئ آخر لكن اتفاجئت برد الفعل”.
واختتم الشاب سعد حديثه: “أنا كنت بحب عمرو دياب جدًا، وعلطول بسمع أغانيه، وكان في الفرح فنانين كتير ومقومتش من مكاني لكن هو اللي قررت أقوم أصوره لايف عشان أبقى فاكرها”.
