كتب – أحمد عبد الفتاح
كشف الفنان أحمد أمين عن قصة حبه وزواجه، وعن نجاح مسلسل الصفارة في السباق الرمضاني 2023، ورأيه في الكوميديا وتأثيرها على الجمهور.
وقال أحمد أمين خلال لقائه مع الإعلامي محمود سعد في برنامج sold out، الذي يُعرض على منصة Watch IT: “اتعرفت على مراتي في مجلة باسم وهي كانت شغالة ملونة، وكانت مؤمنة بيا وبنجاحي، وسابت الشغل عشان خاطر الجواز”.
وأشار الفنان إلى أن مسلسل الصفارة وتحضيراته، قال المخرج علاء إسماعيل: “صورنا المسلسل في 36 يوم، وكنا بنصور 16 ساعة في اليوم أقل حاجة”.
وعلق أحمد أمين عن الكوميديا وتأثيرها على الجمهور قائلاً: “الكوميديا مش بتحل المشاكل، ولكن بتخلي الناس يكون عندها صبر وأمل، والكوميديا وسيلة لتفكيك المجتمع بمعني إنها بتفك المشكلة وبتحلها، لإن الناس بتنفر من الرسالة المباشرة”.
وأوضح “أمين”: “لسه مش عارفين هيكون فيه جزء تاني من مسلسل الصفارة ولا لأ، لإن العمل حقق نجاح كبير جدًا، وكان في دماغنا يكون فيه موسم تاني، ولكن فكرنا إننا محتاجين فكرة أقوى”.
واختتم الفنان: “أنا مع ورش الكتابة جدًا ومش ضد فكرة الكاتب الواحد، وأنا شخصية خجولة جدًا والناس بتستغرب من ده، ولكن أنا بحب أقرأ كتير كتب وأقعد مع نفسي”.
