ريم وائل
كانت الفنانه نيللي كريم في اتصال هاتفي مع اي تي بالعربي في اول حديث لها بعد زواجها وقالت: “الحب مفهوش حسابات اول ما تبدأ تحسب وتهتم بكلام الناس هيجيلك هلع، أنا بمشي بمبدأ امشي مع قلبك واحساسك وهو توفيق من ربنا”.
وكان هذا ردها على كل من انتقد فارق السن بينها وبين زوجها هشام عاشور، لاعب الإسكواش السابق، وهي الزوجة الاولى له وتعد الزيجة الثالثة لها.
وتابعت نيللي ” قرار مش سهل لأي رجل أنه يتجوز من نجمة خاصةً لو راجل شرقي وده بيحصل لما يكون الراجل عنده ثقة زايدة في نفسه مليون في المية، والناس تقول اللي عاوزة تقوله أهم حاجة إني مبسوطة وسيب الكلام للناس”.
وأضافت “هشام فيه ميزة بصراحة مش عاوزة اتكلم عليه كتير لكن كل موقف بيقلبها بضحك وهزار، والضحك بيطول العُمر، لما كل حاجة بناخدها بطريقة فكاهية الحياة بتكون ألطف، أحلى حاجة بحبها في هشام حاجات كتير مفيش ملل كل يوم الصبح مغامرات جديدة وحياة جديدة”.
ويدل هذا الحديث على السعادة التي تعيشها نيللي كريم بعد زواجها، وأشارت إلى أن روتين حياتها تغير تمامًا بعد زواجها، حيثُ يستيقظا سويًا في تمام الساعة السابعة والنصف لممارسة التمرينات الرياضية، واصفة أن الروتين الذي تعيش فيه مع زوجها لطيف للغاية.
