كتبت – فاطمة ثروت
أوضح الشاعر والسيناريست أيمن بهجت قمر في تصريحات تلفزيونية له، حقيقة خلافه مع الفنان محمد حماقي، كما كشف تفاصيل تعاونهم في أغنية “دلعنا كتير”.
وقال السيناريست أيمن بهجت قمر: “أنا وحماقي كنا أصحاب من سنة 1995 من قبل ما حماقي يتشهر، وكان في خلاف بينا”.
وتابع قمر: “مفيش علاقة صداقة ميكونش فيها خناق وزعل وكان في بينا عشم زيادة، وبعدين حصل قطيعة إنسانية فترة قليلة، وبعدين رجعنا أصحاب تاني ولكن مشتغلناش مع بعض لغاية ما جه الأوان”.
وأردف: “حلمت يوم أن في اتنين من أصدقائي مزعلهم، حماقي وواحد صديقي تاني، وقولت لازم أصالحهم وبعت لحماقي قولتله بعيدًا عن الشغل إحنا أصحاب، لغاية ما جت لحظة إننا نشتغل تاني مع بعض، ومبيفرقش معايا إني أبدأ بالصُلح”.
وواصل أيمن قمر: “حاولت أجبر بخاطر الرجالة في أغنية حماقي “دلعنا كتير”، ولازم نعبر عننا وكلنا محتاجين نتدلع، والراجل بالذات في مجتمعنا شايل مسؤوليات كبيرة وبيبقى محتاج يشم نفسه ويتدلع”.
