كتبت – أسماء حليمة
كشف الشاعر أيمن بهجت قمر سر استمرارية نجاحه، والتي بدأت من مطلع تسعينيات القرن الماضي حتى الآن.
وقال أيمن بهجت قمر في حواره مع بودكاست فايق ورايق مع الإعلامي إبراهيم فايق: “كنت بشوف شعراء أول ما ينجحوا، يدخلوا الاستوديو ومعاهم بنات، أو شاربين”.
وأضاف: “حياتهم عبارة عن أنه كل يوم ينزل ويعلق دي ويعرف دي، الشعراء دول انتهوا، لأنهم بينجحوا من أجل الملذات، أنا بنجح عشان أعمل لنفسي قيمة، وأنا قاعد لكم فيها لحد ما أموت وماعنديش غيرها”.
وتابع أيمن بهجت قمر: “أنا عندي أكيد فوق 1000 أغنية بالتترات بكل حاجة، ولكن مقدرش أقول إيه هي إيه أحلى أغنية”.
وواصل: “بس أحلى حاجة أني مستمر لحد النهاردة، وده بالاجتهاد، وبسبب العقدة النفسية اللي عاملهالي والدي إنه ماسبش حاجة ليا، فأنا مش عايز مسبش حاجة لـ عيالي”.
وأتم “بهجت” حديثه قائلًا: “البيت اللي أنا متربي فيه كان فيه نجاح ومجد وفلوس، وكل حاجة، وفجأة مبقاش فيه فلوس، ده عاملي عقدة نفسية، لذلك عندي حاجة كدا اللي هو أفضل شغال وألف، مش عايز أمُر أو أعدي بمرحلة أن مفيش فلوس، أنا قاعد فيها لحد ما أموت، مش هسيبها ومعنديش حاجة غيرها”.
آخر أعمال أيمن بهجت قمر
يعد فيلم “ريستارت” هو آخر أعمال المؤلف أيمن بهجت قمر، وهو بطولة الفنان تامر حسني، ومن إخراج سارة وفيق.
