منار أيمن
كشف حارس مرمى الإسماعيلي السابق، إكرامي الشحات، عن لحظات مريرة عاشها في حياته، حيث فقد ابنه فجأة دون سابق إنذار، ودخل صهره رمضان صبحي السجن.
وقال إكرامي الشحات في تصريحات صحفية: “أنا ضهري اتكسر مرتين في حياتي، أول مرة لما دخلت أصحي ابني من النوم علشان يتغدى معايا، لقيته فارق الحياة فجأة، ما كانش تعبان ولا بيشتكي من حاجة”.
وأضاف: “المرة التانية كانت في أزمة رمضان صبحي، زوج بنتي حبيبة، لما دخل السجن، وقتها لجأت لربنا، وكنت كل ليلة أبص للسما وأدعيله وأقول بدموعي: يا رب ما تفضحنيش قدام الناس”.
واختتم إكرامي الشحات حديثه قائلًا: “أنا عمري ما كنت بعرف أبكي، لكن فراق أحمد وأزمة رمضان خلوني أعرف يعني إيه دموع، ربنا يرحم ابني ويفرج كرب رمضان صبحي”.
