كتبت – نورهان سمير
نشرت الراقصة صافينار مقطع فيديو عبر حسابها الشخصي بموقع “إنستجرام”، وردت خلاله على شائعات اعتزالها الرقص.
وقالت صافينار من خلال الفيديو: “هو أنا قولت إني هعتزل الرقص؟ مين الكدابين اللي بيقولوا كده؟.. مين بتحلم أني اعتزل الرقص؟.. ما تحلموش، أنا لسه صغيرة وحلوة، ولما أجي أموت هموت على المسرح”.
وعلى جانب آخر، كشفت صافينار حقيقة ارتباطها بوزير إعلام عربي الذي استمر سكرتيره الخاص في التردد عليها لمدة عام بهدايا ومراسلات، ولكنها أنكرت ارتباطها به.
وأضافت صافينار في تصريحات تلفزيونية سابقة: “مكنتش متجوزة ومخدتش الهدية وكان بيبعتلي السكرتير وما كونتش عاوزة أتجوز جواز مصلحة وقتها لكن دلوقتي ممكن، وجابلي فيلا في فرنسا كمان بس رفضتها”.
وعن تحفظها فعلقت صافينار: “الرقص فن ومبشتغلش في حفلات خاصة ودماغي ناشفة، وأنا اتضربت جامد من أبويا وأنا صغيرة علشان الرقص، وروحت اتدربت بالية من ورا بابا”.
