كتب – أحمد سعيد
كشف مختار مختار، عضو لجنة التخطيط بالنادي الأهلي؛ عن أسباب تأخر الصفقات في فترة الانتقالات الشتوية، بعد مرور أكثر من 22 يوم على فتح باب القيد.
قال مختار مختار خلال تصريحات إعلامية عبر قناة النادي الأهلي:”بشرى سارة لجمهور الأهلي، الصفقات لسه مخلصتش لحد دلوقتي، وان شاء الله الخير جاي رغم إن الوقت ضيق لكن لسه فيه”.
وأضاف “مختار”:”احنا مينفعش نقول للناس اننا بنكون خلصنا اتفاقات مع أندية، وبنتفاجئ انهم يغيروا اتفاقهم، بسبب ضغط السوشيال ميديا فيطمعوا فينا وبيزودوا أضعاف المتفق عليه”.
وأوضح عضو لجنة التخطيط بالأهلي:”كل الأندية التي نتفاوض معها لما بيخشوا علي الميديا عندنا ويشوفوا الضغط اللي علينا، وبيغلوا علينا الاسعار أضعاف اضعاف المتفق عليه، وده أمر يصعب علينا امور التعاقد”.
وأشار:”كنا متعاقدين مع 3 صفقات، وبعد إجازة يناير غيروا الاتفاق المالي بشكل مفاجئ و بأضعاف مهولة، ومحدش يقدر يستحمل الوضع ده نهائي، الناس دخلوا على الميديا عندنا وشافوا الهجوم على الصفقات وطمعوا فينا”.
وأعلن النادي الأهلي عن التعاقد مع مصطفى العش مدافع نادي زد على سبيل الإعارة لمدة ست أشهر، بالإضافة إلى حسم صفقة السلوفيني نيجك جراد مهاجم فيهيرفار المجري لمدة أربع سنوات ونصف.
