كتبت – نورهان درويش
كشف الفنان خالد الصاوي تفاصيل علاقته بالفنان تامر حسني، بعدما أن عاتب تامر في الأيام الأخيرة بسبب عدم سؤاله عنه، مشيرًا إلى أن علاقته بتامر حاليًا أصبحت محدودة ومقتصرة على اطمئنانهما على بعضهما البعض فقط.
وتحدث خالد الصاوي في تصريحات تليفزيونية بعد أن اعتذر تامر له حيث قال: “علاقتنا بقت محددة، أنا مشوفتش لسه الرد بتاعه، واتكلمت عنه من العشم، ولما بسأل عليهم بيسألوا عليا، تامر حسني وكريم عبد العزيز وأحمد السقا كلهم حبايبي”.
واستكمل الفنان حديثه موجهًا نصيحة لجمهوره: “متتعشمش في حد في الزمن دا علشان متزعلش، أنا علاقتي بيهم بقت عبارة عن أفعال قصاد أفعال وخلاص، لكن دائما بقول العشم يؤدي للزعل”.
ورد الفنان تامر حسني على تصريحات خالد الصاوي عبر استوري له على انستجرام جاء فيه: “يا عم خالد أنت صاحبي وحبيبي وتأخيرك عني مکانش شخصي، لو شخصي مكنتش هزعل واستناك سنه مش أسبوع، بس ده كان تأخير على كل الممثلين والمنتج والمخرج، وياريتك قولتلي إنك زعلان على تليفوني من سنتين كنت جيت لحد عندك صالحتك والله”.
وأضاف الفنان: “معرفش أنك زعلان وبالمناسبه أنا اللي زعلان عشان كان نفسي تبقى معايا وأنت اللي اختفيت وعلى أي حال زعلك عندي بالدنيا وأول ما أرجع من السفر إن شاء الله هجيلك لحد عندك أصالحك وناخد صورة حلوة”.
