بسملة الجمل
هاجم الإعلامي خالد الغندور، أحد لاعبي الزمالك بعد الجدل الذي أثير مؤخرًا حول ظهوره في إحدى الحفلات الفنية أثناء الإجازة، معتبرًا أن تصرفاته المتكررة تعكس استهتارًا واضحًا وعدم احترام لقميص النادي.
وقال الغندور، في فيديو بثه عبر صفحته الرسمية على “فيسبوك”: “اللاعب ده قبل كده عمل مشكلة كبيرة مع مرتضى منصور، رفض اللعب في ماتش مهم، وبعدها سافر الساحل الشمالي، وعمل حادثة وتحبس شهرين ونص، وكان ممكن يتحبس 5 سنين بتهمة القتل الخطأ”.
وأضاف الغندور: “دفع ملايين علشان يخرج، والعيلة وافقت على الدية، وكان المفروض يتعظ بعد كل ده ويشكر ربنا، إزاي تطلب إذن وقت المعسكر علشان تحضر حفلة، ويتشاف الفيديو ليك هناك، ده استهتار، ومش أول مرة تحصل، لما كان فيه ماتش مهم وفيه كشف منشطات، خرج نفسه من التشكيل الأساسي، والغريب إن العقوبة مليون جنيه بس! مليون جنيه بالنسبة له إيه”.
وأشار الإعلامي إلى أن اللاعب لم يتغير رغم كل ما مر به، مؤكدًا أن الحل الوحيد هو بيعه، قائلًا: “ده لاعب لا يتعظ، ولو فضل موجود مش هيبقى فيه التزام في الفريق، لازم الزمالك يتخذ قرار حاسم، لأن السكوت على المواقف دي بيضرب استقرار النادي”.
