حوار -مـرام اللـبان
التقت جريدة وموقع “الأنباء المصرية الجديدة” بالرسامة بسمة قضب لعمل حوارًا عن فنها، فجاء كالآتي..
– في بداية حديثنا.. متى كانت بداية دخولك عالم الفن؟
بدايتي كانت من 4 سنين، وقبل كده كنت برسم أنيمشين وبعد حوالي، 4 سنين ونص أخدت كورس أساسيات رصاص في كرييتف عشان أنمي موهبتي، بعدها اتعلمت كل الخامات التانية الألوان، والزيت، والأكريليك، والجداري، برسمهم من نفسي.
– من ساعدكِ لتنمية موهبتك؟
اللي ساعدني هو تحقيق حلمي وكمان أهلي واصحابي شجعوني عشان أحقق حلمي.
– هل من الممكن أن تأسسي معرضًا خاصًا بكِ تعرضين فيه رسوماتك؟
نعم بإذن الله، وده حلمي يكون عندي معرض بإسمي في المستقبل، وأستقبل فيه أكبر عدد من لوحات الفنانين اللي معندهمش فرص كافيه لعرض أعمالهم.
– من هو مثلك الأعلى من الفنانين؟
الفنان العالمي الراحل “دافيشني” هو قدوتي في عالم الرسم.
– هل رسمتي لوحاتٍ من قبل وتم بيعها؟
عملت بالفعل، ولسه عندي غيرهم وأبحث عن مكان مناسب لبيعهم.
– هل تعاملتِ مع الرسم كموهبة أم عمل مهني؟
انا الرسم بالنسبالي موهبة وإني أخرج نفسي من أي مود مزعج، ولكن أوقات بيكون عمل مهني بالنسبالي بس لو هنختار فهو موهبة أكتر لأنى برسم عشاني وعشان سلامي النفسي.
الفنانة بسمة قطب
