حوار – مرام اللبان
كشف الفنان حسان العربي، عن استمرار خلافه مع اصدقاءه الفنانين، من خلال تصريحات خاصة لـ “الأنباء المصرية“، بـ الأضافة إلى كواليس مسلسل “مزاج الخير”، بـ جانب الفنان مصطفى شعبان.
وقال حسان العربي: “مصطفى شعبان من الناس اللي دايمًا بتحب الضحك وبيحاول في أي مشهد يسمح بكده لازم يخليه جميل”.
وأضاف العربي: “أنا كنت سعيد بمشاركتي في العمل مع صديق قريب ليا مصطفى شعبان وفي نفس الوقت المخرج الجميل مجدي الهواري”.
واستكمل حسان: “طبعًا مسلسل مزاج الخير مكنش خلص في رمضان وكان التصوير بيتم في رمضان من بعد الفطار”.
وأوضح الفنان: “وساعات من قبل الفطار وكان نرهق جدًا لاننا لو خلصنا الصبح نرجع بعد الفطار نصور فكان في صعوبة وتعب لكن الحمد لله المسلسل عمل تريند”.
وعند سؤاله حول سبب نجاح مسلسل “مزاج الخير”، قال حسان العربي: “الحب في العمل من كل الكاست والإخلاص والإيمان بكل كلمة سبب نجاح العمل لأن ورائه مؤلف صح وبطل صح ومخرج صح”.
وأضاف حسان العربي: “أنا حاليا بعمل بروفات مسرحية قمر من بنت الغجر من إنتاج قطاع الفنون الشعبية والمسرحية، هيتعرض الشهر الجاي في البالون بطولة الفنانة ميرنا وليد وتاليف واخراج عمرو دوارة”.
وشدد الفنان حسان العربي: “الفن بيكسب للنجوم فقط لاغير انما لبعض الفنانين صعب لأن النجم بيتقاضى مبلغ كبير وممكن كمان يعمل مشروع يدرّ دخل”.
وأكد العربي: “إنما لينا هنعمل مشروع منيين إذا كان مفيش شغل كافي، ولو حتى جه مش بالمبالغ اللي الناس فاكره اننا بناخده”.
وعند سؤال حسان العربي حول الخلافات التي دارت بينه وبين اصدقاءه الفنانين، أكد: “لا مفيش خلافات ده عتاب عليهم بس هما أصدقائي بس”.
وأتمّ حسان العربي: “للأسف كل واحد مبيفكرش في حد ولا بعاتبهم لما بشوفهم، لأن اللي عايز يعمل حاجة بيعملها من غير ماحد يقوله الحمد لله ربنا كبير”.
