كتبت – إيمان أشرف
علق الفنان أحمد بجة المنتج الفني لـ فيلم “استنساخ”، عن تقديم الفنان سامح حسين بطولة العمل، والذي انطلق عرضه الأسبوع الماضي في جميع دور العرض السينمائية.
وصرح أحمد بجة بخصوص الفيلم قائلًا: “الفيلم جديد تمامًا على سامح حسين، بيتكلم عن الذكاء الاصطناعي والعالم الافتراضي، وده جديد على المشاهد المصري، كان بيشوفوه في الأفلام العالمية بس وأفلام هوليوود، ويا رب يكون لقى استحسان الجمهور”.
وأشار “بجة” على إلغاء العرض الخاص لفيلم استنساخ، بجانب رده على الكاتب عبد الرحيم كمال رئيس الرقابة على المصنفات الفنية، وذلك حول تأخره في طلب تصريح عرض الفيلم بالسينما، محدثًا: “واخدين موافقة الرقابة من فترة، وأي تعديل قالوا عليه عملناه، وكنا مستنيين بس التصريح علشان الفيلم يتعرض في السينما.
واستكمل حديثه قائلًا: “إلغاء العرض الخاص مش طبيعي، الممثلين والصحفيين حضروا ورجعوا، إحنا مش عايزين نعمل حاجة مخالفة وكنا عايزين تصريح بالعرض، وكان ممكن أعمل العرض لكن مش هجيب مسؤولية قانونية على شركة التوزيع ولا السينما، وقولت لما يبقى في إيدي تصريح رسمي نشتغل”.
كما انهى حديثه: “مدير إنتاج الفيلم راح مقر الرقابة من الساعة 10 ونصف لحد الساعة 4 عصرًا، والورق كله مستوفي ودافع كل حاجة، مستني التصريح وهما عطلوا، ولكن لأ إحنا مرحناش بعد مواعيد العمل الرسمية للرقابة، أنا مش أول مرة اشتغل”.
