كتبت – نورهان سمير
حل الفنان هشام ماجد ضيفًا على برنامج “أسرار” والتي تقدمه الإعلامية أميرة بدر على شاشة النهار، وتحدث عن مسيرته الفنية، إضافة إلى حبه الشديد لشراء الأحذية.
وقال هشام ماجد: “شهوتي شراء الجزم وساعات بيبقى مالهاش لازمة وعندي حوالي 60 جزمة وحاططهم على الأرض، وبقف في المراية كتير واتأكد اني كويس، مبشوفش نفسي حلو وكتر خير اللي بيشوفني حلو، مبحبش تغيير الشكل والعمليات، إلا لو عندك عيب مضايقك أوي، ومش زعلان من أحمد فهمي عشان أعاتبه”.
وتابع هشام عن موقف أحمد الفيشاوي في بداية مشواره الفني ومساعدته لهم قائلًا: “كبريائي منعني أقبل حاجات مش كويسة بفلوس كتيرة أو إني أسيب منتج عشان أروح لمنتج تاني فلوسه أكتر، والكبرياء شبه العند وأنا برج الثور وساعات أعند عشان مرجعش في كلمتي”.
على جانب آخر، علق الفنان هشام ماجد على أقاويل أمير مرتضى منصور على صفقات الزمالك قائلًا: “أمير مرتضى بيهزر وأحمد مدبولي أنا قلتله كويس، لكن الصفقات مبتتعملش كده، وفي الفترة دي جابوا لاعيبة كويسة”.
وأضاف هشام: “أتمنى أشوف عبد المنعم في الزمالك ومروان عطية وعلي معلول وإمام عاشور والشناوي، وبشجع الزمالك وبحترم الأهلي، وبحب اتفرج على مدحت شلبي ورضا عبدالعال وميدو وشوبير”.
