كتبت – جهاد عامر
أثارت نانسي نجلة الفنانة رانيا يوسف الجدل حولها، بعدما تحدثت عن والدها المنتج محمد مختار، وأبدت رأيها في اختيارها ووالدتها للملابس، قائلة إنها لا تهتم بآراء الجمهور.
إذ قالت نانسي ابنة رانيا يوسف عبر تصريحات تلفزيونية: “مش بتضايق خالص وشكلي حلو والفستان اللي لبسته من مامي شكله حلو على الريد كاربت ومش ببص للانتقادات”.
وأوضحت قائلةً: “هي أطيب إنسانة في حياتي مش بقول كده عشان هي مامتي لكن عشان هي صاحبتي وأختي وكل حاجة في حياتي، وبقالي معاها 20 سنة في الحياة كل يوم”.
كما أكدت نانسي: “أنا مش عايزة من محمد مختار حاجة، مش عايزين منه أي حاجة، حتى لو فيلم أو مهرجان أو أي حاجة، أنا كنانسي مش عايزة منه أي حاجة”.
وعن فرصتها لخوض مجال التمثيل، قالت ابنة رانيا يوسف: “لو الورق حلو وأنا عاجبني الموضوع هشارك، ولكن أنا مشروع مصممة أزياء أكتر”.
وكذلك أعربت رانيا يوسف عن رأيها في اختيارات ابنتها للملابس، مؤكدةً: “محدش له عندها حاجة تعمل اللي عايزاه، اللي مش عاجبه ميحبناش وميتابعناش، الدنيا بسيطة مفيهاش عُقد، هي تلبس اللي عايزاه وتعمل اللي عايزاه، وبناتي هما اللي بيظبطولي الاستايل”.
