كتبت – أسماء حليمة
تحدث المخرج كريم العدل عن وجود جزء ثان من فيلم العميل صفر، بعد تحقيقه إيرادات مرتفعة منذ طرحه في دور العرض العربية، ومنافسته في موسم أفلام صيف 2023.
وقال كريم العدل خلال حوار له: “أنا مش ببص لموضوع المنافسة والإيرادات وياما أفلام حلوة أوي جابت فلوس قليلة وياما أفلام مش حلوة خالص وجابت فلوس عالية وده مش المقياس بالنسبة لي ومدرك إن ده مقياس السوق، بس أنا مبحبش أتوقع ومبحبش اتضايق أو أحط توقعات عالية”.
وأضاف: “مقياسي السيناريو الحلو، وده اللي بحاول أعمله طول الوقت فيلم حلو الناس تدخل تتبسط لمدة ساعة ونص أو ساعتين”.
وكشف كريم العدل عن وجود جزء ثان من فيلم العميل صفر، قائلاً: “الله أعلم الموضوع مفتوح للمناقشة، اتكلمت فيه مع أكرم حسني بس بشكل سطحي جدًا كنوع من الهزار والفكرة واردة”.
وأكمل: “أنا مش من أنصار الأجزاء التانية، أنا ضدها؛ لأني مبحبش عصر النجاح وفيه حاجات ممكن تستحمل ده”.
وشارك في فيلم العميل صفر العديد من الفنانين مع أكرم حسني، منهم: أسماء أبو اليزيد، مصطفى غريب، فيدرا، إسماعيل فرغلي، فاطمة البنوي، منذر رياحنة، وتأليف وائل عبدالله، وتحت قيادة المخرج كريم العدل.
