كتبت – أسماء حليمة
علق الفنان باسم سمرة عن التربية الحديثة، وعن رأيه في مصطلح المرأة المستقلة، وذلك عبر تواجدت في برنامج “كلام الناس” مع الإعلامية ياسمين عز عبر قناة MBC مصر.
ورد الفنان باسم سمرة عن سؤال ياسمين عز عن رأيه في التربية الحديثه قائلًا: “دي قلة أدب.. أنا معنديش الكلام ده وما أشجعش عليه.. إحنا عندنا دين وأخلاق والتربية الحديثة دي تربية بره مش هنا في مصر.. وإحنا عندنا أصول فلاحين لأننا من المنصورة.. وكده هنطلع أجيال مش سوية”.
وتابع باسم سمرة: السوشيال ميديا أثرت بالسلب وخصوصًا على الأطفال والجيل الحديث محتاج رقابة من البيت ومن الأم والأب والأخ، وإحنا عندنا عادات في منتهى الجمال زي الكرم والأدب دي التربية الحديثة اللي نعتمدها مش اللي ييجي لينا من بره ولا من النت”.
كما تحدث باسم سمرة عن رأيه في مصطلح المرأة المستقلة: “على حسب هي متعلمة ازاي.. يعني لو مثقفة وعندها لغات يبقى عندها جزء كبير أنها تبقى مستقلة في شغلها ورأس مالها، لكن لو الصبح قالت أنا عاوزة أبقى مستقلة ده عند أمها بقى ويبقى نهارها أسود”.
