ندى خاطر
الأغنياء يفكرون ويتصرفون بشكل مختلف عن الجميع، لكنهم لا يولدون مع هذا التفكير، إنهم يتعلمون أولاً ومن ثم يختارون هذه الطريقة للتفكير والعمل.
وفي هذا التقرير ترصد “جريدة الأنباء المصرية” أبرز وأخر تصريحات الملياردير نجيب ساويرس خلال لقاءه في برنامج”صباحك مصري”.
صرح ساويرس خلال لقاءه:”بفطر وأتغدي عند والدتي، ولو خرجت اتعشى برا بدفع 3000 أو 4000 جنية، زمان كنا بنخرج الخروجة ب100 أو 50 و 30 جنية، الأصفار دلوقتي كترت”
وأضاف أن أكثر شئ ينفق عليه أمواله هي الملابس وقال:”أنا بحب ألبس خاصةً التيشيرتات، وأضع حدودًا لأسعار الملابس التي اشتريها، وبشوف سعر اللبس قبل ما أقيسه عشان أوفر وقتي لو غالية”.
وتابع:” أولادي مامتهم ماسكة عليهم أوي مبيشتروش حاجة ماركة، بحاول أبوظهم وهي بتمنعني، وبركة ربنا إنها خافت يبوظوا فشدت عليهم وجابت نتيجة كويسة،خشياً من فشلهم حال إسرافهم ببذخ واعتمادهم على أموالي”، وقال: أنا كنت باخد أقل مصروف في المدرسة.
وأكد أن هوسه بشخصيات مجلات “ميكي”، هو الذي يدفعه لشراء الملابس المطبوع عليها صور تلك الشخصيات، وعقب علي ذلك قائلاً:”بتخليني أحس أني صغير زي قلبي من جوه، ولا يهمني رأي أحد، أهتم برأيي الشخصي فقط، لو أنا سعيد تمام، ولو حد مش عاجبه ميبصش”.
وأردف كلامه حول أول مصروف حصل عليه في المدرسة، قال:”أبويا كان بيديني 2 جنية في الشهر، وكل اللي معايا كانوا بياخدوا 10 جنية، بس هو كان بيديني ال2 جنية عشان يعلمنا نبقي ناشفين، وطلع صح، لكن أولادي مش فاكر لأن مراتي هي اللي كانت بتديهم المصروف، وكانت أنشف مني”.
وقال أن أكتر الطلبات التي تُطلب منه هي التوظيف،” طلبات الشغل والسفر والمرض كتير، وفيه ناس عندها مشاكل بتستعين بيا عشان اصلح الحال”.
