كتبت – اسيل عادل
أجرت الفنانة بدرية طلبة احتفالًا بعقد قران ابنتها سلمى، بحضور الأقارب والأصدقاء من داخل الوسط الفني وخارجه، داخل أحد الفنادق الكبرى بوسط القاهرة.
وعبرت الفنانة بدرية طلبة عن سعادتها بزفاف ابنتها سلمى، وقالت بدرية طلبة: “الشعور ده ميتوصفش فمش هعرف اقول حاسة بايه، بس جوايا رضا من عند ربنا، وممتنة لربنا وبشكره انه خلاني اوصل بناتي كل واحدة لبيتها الحمدلله”.
وأوصت طلبة ابنتها قائلًة: “مش مستنياها لما تتجوز عشان أوصيها، انا من البداية كل الناس بتحلف بتربية بناتي ومن صغرهم وانا زارعة فيهم اللي اتربيت عليه، وانها تبقى كويسة فمش هاوصيها لانها متأسسة من صغرها”.
وقالت بدرية طلبة عن زوج ابنتها وهل كان لها طلبات كثيرة: “اسالوه بس هو يعتبر ابني لاني معنديش صبيان، هو وزوج ابنتي هايدي فكل اللي بطلبه انه يخلي باله من بنتي وغير كده هو اللي يطلب مني، وبشكركوا انكوا معايا في مناسبة حلوة زي دي”.
وفي سياق سابق احتفلت طلبة بـ”حنة” ابنتها سلمى وسط أجواء عائلية، وشاركت بدرية بفيديو من الحنة عبر ستوري حسابها بموقع إنستجرام، وظهرت فيه بدرية وابنتها ترتديان الساري الهندي.
