كتبت – فاطمة ثروت
أُصيبت الفنانة بشرى بنوبة من البكاء الشديد، بعد سؤالها عن إذا عاشت تجربة مرض سرطان الثدي، مع فرد من أفراد عائلتها أو أصدقائها في وقت ما.
وقالت بشرى باكية: “كلنا فقدنا.. سواء حد من أهلنا أو أصدقائنا أو الجيران أو زملائنا، مفيش حد في عيلته مفقدش شخص، بسبب المرض اللعين”.
وفي وقت سابق، علقت بشرى على انتقاد الناقد الفني طارق الشناوي، وهجومه على فيلم أولاد حريم كريم، والعمل من بطولة الفنان مصطفى قمر.
وأردفت في تصريحات تلفزيونية لها: “فيلم أولاد حريم كريم يجمع بين النوستالجيا والجيل الجديد، والكواليس مع المخرج علي إدريس كانت جميلة”.
وتابعت بشرى: “اسألوا الشباب الجديد اللي اشتغل مع فنانين عندهم خبرة حسوا بألفة ولا، الناس مستغربة حالة الحب اللي موجودة في العمل، وده قليل لما بيحصل في الوسط بتاعنا”.
وواصلت: “بعض النقاد آرائهم انطباعية وليست تحليلية بشكل علمي، بتحسس الناس أنهم مشافوش الفيلم أصلا، ومسكوا في شخص واحد اتكلموا عليه”.
وأتمت بشرى: “الحمد لله ردود الفعل عند الجمهور حلوة جدًا، ولا صوت يعلو فوق صوت الجمهور، أصل ده فيلم مهرجانات ولا صوت يعلو فوق الجمهور هو اللي بيحدد”.
