كتبت – نرمين أحمد
كشف المخرج هشام الرشيدي، وجود مقطع فيديو توعوي، يعرض بعد انتهاء كل حكاية من مسلسل حدث بالفعل، عبر شاشة التليفزيون، وذلك في شهر ديسمبر.
وقال الرشيدي: “لما مسلسل حدث بالفعل ينزل المفروض هيتبع كل حكاية منه فيديو قصير توعوي، عن كل مرض نفسي بيُناقش خلال الحكاية”.
وتابع هشام: “وهيحتوي على دكتور نفسي بيتكلم بشكل علمي وأرقام واحصائيات عالمية ومحلية وبيقول إيه اسم المرض ده وإزاي نخلي بالنا منه”.
واستكمل هشام الرشيدي قائلًا: “وهيذكر مين المشاهير اللي كانوا مصابين بالمرض ده وإيه الحوادث اللي تم ارتكابها بسبب المرض ده”.
وأضاف الرشدي: “وصورنا جزء منهم وبنصور الباقي اليومين دول، والهدف من الفيديو ده هو التوعية بالأمراض النفسية اللي بيتم مناقشتها في الحكايات”.
