كتبت- نرمين صقر
صرحت بوسي عن رأيها في لقب صوت مصر، ووجهت رسالة خاصة لـ شيرين عبد الوهاب.
وتحدثت بوسي في تصريحات تلفزيونية: “أنا مبحبش موضوع الألقاب ده أوي، كل واحدة ليها ستايلها وليها شغلها وليها صوتها اللي اتميزت بيه، كل واحد بيحب مطربة شايف أنها صوت مصر علشان كده حاصل خناقات دلوقتي”.
وتابعت قائلة: “لكن السوق هو اللي يحكم مين رقم واحد أو اتنين أو تلاتة مينفعش اقول ع نفسي صوت مصر، مينفعش أقول عليكي صوت مصر”.
وكما وجهت بوسي رسالة خاصة لـ شيرين عبد الوهاب بعد أزمتها الأخيرة قائلة: “شيرين بعشقها وبعشق صوتها، بحبها أوي ومستخسراها وبقول حرام، وأنا مش بحب اتدخل في الحياة الشخصية لحد لكن أنا هنا مش بكلمها كزميلة، أنا بتكلم كـ فان ليها”.
وأضافت: “محتاجينك ترجعي شيرين بتاعة زمان، شيرين اللي كانت مركزة في شغلها، شيرين اللي كانت بتحب مهنتها، اللي كانت بتحب الغناء وبتعمل حاجات حلوة تكسر الدنيا محتاجينها ترجع تاني، وربنا يعملها كل الخير”.
وأعربت بوسي عن سعادتها بعد نجاح أغنيتها الأخيرة قائلة: “مكنتش متوقعة إن الأغنية هتطلع ترند لأنها أغنية دراما وكئيبة، بس احنا شعب بيموت في الدراما أساسًا، الأغنية اتعملت على قصة المسلسل لأنه كان بيحكي عن البنت اللي الظروف خدتها في سكة السوشيال ميديا، وبعدين اترمت على جوازة غصب عنها فهي كان ليها سيناريو خاص بيها”.
