مرام اللبان
كشفت الفنانة أميرة هاني عن تعرضها للإهانة، من قِبل سائق شركة أوبر، بعد أن تطاول عليها لمجرد سؤالها له على شات التطبيق، عن الوقت المتبقي للوصول إليها.
وأكدت “هاني” في مداخلة هاتفية، مع الإعلامية نهال طايل في “برنامج تفاصيل”، المذاع عبر قناة صدى البلد 2، قائلة: “أنا مبقحمش حياتي الخاصة أو مشاكلي الخاصة على السوشيال ميديا، لكن الراجل ده استفزني لدرجة كبيرة”.
وقالت أميرة هاني: “احنا عندنا ست بتساعدنا في أعمال البيت، وكل أسبوع بطلب لها أوبر بيجي ياخدها مشوار 10 دقائق وبياخد 50 جنيه، وبيوصلها لحتة تقدر تركب منها مواصلات، امبارح كان يوم غريب على الابلكيشن بتاع أوبر نفسه”.
وأضافت الفنانة: “لكني فوجئت أنه بيكنسل الرحلات، وفي واحد قبل الراجل ده، قالي أنا تحت وأنا شايفاه على الـ GPS أنه مش تحت، وكلمته قالي كلام غريب ولغى الرحلة وعمل غرامة عليا”.
وأشارت “هاني”: “وعملت رحلة بعدها وكانت مدياني 10 دقائق ويبقى عندي، وكلمته على الشات حضرتك احنا عند بوابة كذا، حضرتك فين؟”.
واستكملت الفنانة أميرة هاني: “مردش فطلبت منه إلغاء الرحلة أنت بقالك 10 دقائق في مكانك مابتتحركش، فهو قرر أنه يتطاول عليا ويهزقني، بعد 20 دقيقة والست واقفة”
وقالت أميرة أنها تقدمت بشكوى لشركة أوبر، بعد حدوث الواقعة وقام أحد الموظفين بالمتابعة معها، وطلب منها اخباره بما حدث من السائق، قائلة: “كلمني النهاردة الصبح، واحد من الشركة وقالي قوليلنا ايه اللي حصل بالظبط”.
وأكدت أميرة هاني: “فبعتله اسكرين شوت لأني مش محتاجة أحكي اللي حصل مردوش بقى”، وطالبت في نهاية المداخلة التليفونية، من شركة أوبر أن تجري اختبار مخدرات للسائقين المنضمين لها، واختبار أخلاقهم أيضًا.
