كتبت – اسيل عادل
أعلن الفنان بيومي فؤاد مقاضاة عدد من صفحات مواقع التواصل الاجتماعي، التي اتهمها بالتطاول عليه خلال أزمته الأخيرة الخاصة بمسرحية زواج اصطناعي، والتي اندلعت على خلفية انسحاب محمد سلام، وحديث بيومي في ختامها.
وتحدث بيومي فؤاد في تصريحات تلفزيونية قائلًا: “الشيخ رمضان عبد المعز أنا بحبه وبحترمه وراجل تقي وجميل، فأتمنى أبقى مكانه عند ربنا، بس سامحني بقى هديك حياتي أنا، أنا بحبه”.
وقال فؤاد: “اللي شتمني يا سيدي الله يسامحك، اللي عمل دعاية على حسي وقال البضاعة بتاعته أرخص من بيومي فؤاد هنقف قدام المحكمة، بس خليك جامد”.
وتابع بيومي “متهربش زي بتاع سوهاج اللي هرب وشال الفيديو بتاعه، لو شايف كده ووجهة نظرك إني أنا رخيص، خليك واحد اسمه مش عارف تحويجه ولا تلقيمه هو وكام واحد تاني زيه، أنا رافع قضية وهنقف قدام بعض في المحكمة”.
وحسم فؤاد الجدل فيما أثير بشأن حصوله على الجنسية السعودية، ونيته الهجرة إلى الخارج، ونفى حصوله على أي جنسية قائلا: “لا أنا باخد جنسية ولا حاجة، أنا سعيد بجنسية بلدي، وليا الشرف إني مصري”.
وأوضح بيومي فؤاد أن ما يسهل له السفر إلى بعض الدول وجود إقامات بهذه الدول، وليس جنسية من إحدى الدول، نافيًا ما تردد من نيته للهجرة خارج البلاد، مؤكدًا “مقدرش أقعد 10 أيام برا مصر”.
