كتبت – إيمان مجدي
علق الفنان تامر حسني على هجوم عدد من متابعيه؛ بسبب إعلانه إلى أحد الشركات الغذائية.
وكتب تامر من خلال حسابه الشخصي فيس بوك: “مساء الخير عليكم، بقالي يومين بتابع اللي بيحصل واحتراماً للجميع، أنا بوضح حاجة بخصوص إعلان شيبسي الأخير”.
وأوضح تامر حسني في رده: “أولاً.. أنا على علاقة بالشركة من سنتين قبل أي أحداث، وده مش أول إعلان، ده ثالث إعلان في عقدي، معلش أحياناً الكلام عند بعض الناس بيبقى سهل وتحديداً لما بيكون بدون علم بالعقود و بحيثيات الموضوع كله”.
وتابع: “ثانياً.. أنا مضيت على عقد مكتوب فيه أن شيبسي شركة مصرية، ولها سجل تجاري ضريبي مصري منفصل، والبند قدامكم أهوه لصدق كلامي”.
وواصل قائلا: “ثالثاً.. والأهم لأي حد بيشكك في إنتمائي للقضية الفلسطينية، هقوله أنا من 20 سنه و أنا في ضهر القضية ومش كلام وأغاني بس، لا أنا روحت بنفسي معبر رفح أثناء الضرب لمساندة أهالينا هناك بأكبر حملة، ومعتقدش في حد هيخاطر بحياته ويروح بنفسه معبر رفح أثناء الضرب مجامله مثلاً !!”.
واختتم: “أخيراً.. أنا لما قررت أكون الوجه الإعلاني لشيبسي من سنتين؛ لأنه منتج مصري كل المصريين بيحبوه، والبطاطس من الفلاحة المصرية وبيتباع في مصر بس وأتربينا عليه، والأهم أن الشخص البسيط يقدر يشتريه في ظل ظروفنا الاقتصادية وأظن ده واضح في الاعلان”.
وأضاف: “ده كان شعوري الشخصي تجاه الحملة، وأنا بمضيها من سنتين، عشان كده كان واجب عليا التوضيح للجميع وللّي مش وأصلاله الصورة بكل احترام، وشكراً لكل اللي ردوا عني وهما مغمضين، حقيقي انتوا نعمه كبيره من ربنا الف شكر ورمضان كريم على الجميع”.
