كتبت – نرمين صقر
علقت هند ابنة الفنان الراحل سعيد صالح على تصريحات الفنانة آمال رمزي، عن الراحل سعيد صالح بعد أن وصفته بأنه كان يتلفظ بكلمات خارجة وخادشة للحياء في مزاحه مع زملائه.
فكتبت ابنة سعيد صالح في منشور عبر حسابها الشخصي بموقع التواصل الاجتماعي فيس بوك، حيث قالت: “يا مدام آمال كلام حضرتك عن بابا وبطريقة غير مباشرة عن أمي، ما بيعكسش غير طريقة تفكير ونمط أخلاقي بيقيس بالممتلكات مين عنده كام ومين اشترى إيه ومين ابن مين”.
وأضافت ابنة سعيد صالح: “أنا بحمد ربنا إني بنت راجل محبوب من جمهور أغلبه ما شافوش وجهًا لوجه ولا حتى عاصروه، وكل اللي بينهم وبينه ضحكة رسمها على وشوشهم في يوم من الأيام”.
وتابعت: “الجمهور ده ردها لبابا في ردهم على حضرتك، بشكرهم من كل قلبي، وإن شاء الله يكون ربنا سخرهم للدعاء لبابا هما ردوا غيبة متوفي قبل ما يردوا غيبة فنان بيحبوه، بس أنا لسة ما ردتش”.
ويأتي ذلك بعد أن تحدثت الفنانة آمال رمزي خلال تصريحات تليفزيونية، قائلة : “سعيد صالح كان بيقول ألفاظ مينفعش تتقال قدام ستات محترمات وهزاره مش حلو، عكس عادل إمام محترم وذوق جدًا واتجوز من ست محترمه وما شاء الله عنده 4 فيلل شتان بين ده وده، وعادل إمام كان بيشتغل بجد لكن سعيد صالح كان بيروح يسهر ويكركر”.
