كتبت – رحمه السعداوي
نشر الفنان تامر حسني أحدث أغانيه ضمن ألبوم “هرمون السعادة” والتي أطلق عليها اسم “موحشتكيش”، وهى من كلمات أمير طعيمة، وماستر علي فتح الله، ولحن وتوزيع أحمد إبراهيم، وشاركت في الفيديو كليب الفنانة ثراء جبيل.
علقت ثراء جبيل بعد طرح الاغنية قائلة: “أخيرًا الكليب نزل أنا سعيدة جدًا لإختياري إنى أكون جزءًا من كليب للفنان اللي بحبه أوي وبحب أغانيه وبيضحكنى من قلبي استمتعت بكل لحظة في الأغنية .. شكراً ليك يا تامر على اهتمامك وإحساسك بكل تفصيلة عشان كل اللي حواليك يطلعوا بالصورة الراقية دي”.
ورد تامر حسني قائلًا: “يا ثراء والله أنا اللي فخور بأدائك الرائع مبسوط بأدائك من قلبي الفنان اللي بتحبيه من وأنتِ صغيرة والمخرج اللي وقفتى تمثلي قدامه ما شاء الله كل الناس حاسة إحساسك الجميل، إختياري ليكي كان في محله، فعلًا تستحقي كل الخير والنجاح وأنا شايفك قريب جدًا في مكانه كبيرة أوي أوي بإذن الله”.
وكانت كلمات الأغنية تقول: “شكل المكان زي ما كان متغيرتش حاجات كتير شايف بعيني ذكريات من قلبي حبيتها بضمير .. أجمل سنين أنا عيشتها كانت هنا كل اللي ناقص في المكان أنتِ وأنا وتفاصيل كتير مش ممكن أحسها من غيرك .. معقول أكون موحشتكيش”.
