كتبت: هبه الله تامر
أعرب المخرج ماندو العدل عن سعادته الشديدة لتعاونه مع الفنان يوسف الشريف في مسلسل الراكون، المقرر عرضه في الموسم الرمضاني 2024.
وقال المخرج ماندو العدل، خلال لقاء إذاعي: مش هقدر أحكي تفاصيل كتير عن مسلسل الراكون، لكن أنا متحمس للعمل مع يوسف الشريف، وبحبه كمتفرج، وعمري ما اشتغلت معاه وعنده قاعدة شعبية رهيبة، وأتمنى إن التجميعة ديه وإني أشتغل معاه، وأنا عندي طريقة وستايل خاص، وهو عنده ستايل برده، وأتمنى نخلق حاجة كويسة وهو مجتهد أوي إحنا بنحضر دلوقتي، وهو راجل في منتهى الاجتهاد والتركيز، وعايز يعمل حاجة مرضية لجمهوره.
واختتم المخرج ماندو العدل حديثه عن تفاصيل مسلسل الراكون لـ الفنان يوسف الشريف، حيث قال: تدور أحداث العمل في إطار كوميدي، وبنفس الفكرة اللي ناس بتحب يوسف الشريف بسببها، اللي هي اللي المفاجآت، مسلسل موتر مشوق، لكن المسلسل تحت تصنيف اجتماعي.
