كتبت – نوران عسكورة
استضاف برنامج العرافة المعلق الرياضي أحمد شوبير، وكشف خلال اللقاء عن أسباب رفضه لفيلم “مستر إكس”.
وقال شوبير: “أحمد السبكي حبيبي وراجل جميل وصاحبنا من زمن فلقيته بيكلمني يقولي عايزك في مشهد معايا في الفيلم من غير ما يقولي المشهد إيه والقصة إيه فرحت على اللوكيشن”.
وأضاف شوبير: “يعني مثلًا في فيلم “البدلة” كلمني أيمن بهجت قمر وتامر حسني ومكنتش عارف المشهد بس لما رحت قالولي تفاصيله وإني معلق والمشهد كان جميل يعني”.
وتابع: “فبصيت على مشهد “مستر إكس” لقيتني متجوز واحدة وكل شوية واحد يطلع من عندها وواحد يدخلها، قلتله يا سبكي انت هتهرج؟ جايبني تضحك مصر عليا؟ يا عم سلام عليكم”.
وجدير بالذكر أن فيلم “مستر إكس” بطولة أحمد فهمي، هنا الزاهد، بيومي فؤاد، محمد أنور، رحاب الجمل ومحمود حافظ، من إخراج وتأليف أحمد عبد الوهاب.
