كتب – محمود البدوي
نشر الفنان حازم إيهاب مقطع فيديو عبر حسابه الشخصي بموقع إنستجرام، جاء فيه: “بحب محمد صلاح كتير، ومؤمن بالتجربة اللي خرجت من بلدي رغم كل الصعوبات، ووصلت إلى العالمية ليعرف العالم كله من هو الشخص الذي يلعب في نادي جماهيري عالمي؟، وأيضًا دخلنا كأس العالم، يجب أن تفهم جيدًا مكانتك بين الناس”.
وهاجم حازم إيهاب، نجم منتخب مصر وليفربول الإنجليزي محمد صلاح بعد فيديو دعمه الأخير لأهالي فلسطين، ومناشدته دول العالم بضرورة مساندة أهالي غزة، إثر القصف والدمار الشامل الذي يمرون به على يد العدو الإسرائيلي، ما أدى إلى سقوط العديد من الضحايا بينهم مجموعة كبيرة من الأطفال.
وتابع حازم إيهاب: “باسم يوسف عمل إيه أو إيه الخطوة اللي عملها اللي خلى العالم كله يتكلم عنه.. حلقته جابت 8 أو 9 مليون، واتكلم بحماس وعبّر عن رأيه بحيادية تامة، يا محمد كنت تعبر كأي شخص بيفكر صاحب نفسه قضية، الناس بتتحمي فينا”.
واستكمل حازم إيهاب: “باسم يوسف قال كل اللي عايزين نقوله ونوصله للعالم باللغة الإنجليزية، وجت ليه فرصة التحدث باللغة العربية وليس الإنجليزية على الإطلاق، خرج باسم يوسف واتكلم ولما كان المذيع بيقاطعه كانت ردوده كلها واقعية، وهو متمسك بطرف واحد وحمايته واتكلم عنه”.
وقال حازم إيهاب لمحمد صلاح: “عمرك ما كنت أبو تريكة”، وأكمل “حازم” حديثه قائلا: “معنديش أي مشكلة على الإطلاق في تقبلك لكل الانتقادات اللي بتتعرض ليها، وفاهم إنك تبرعت للهلال الأحمر لصالح الضحايا في غزة”.
وأنهى حديثه وقال: “وأنا مش ضد قبولك للنقد وأن عندك اللي تخاف عليه، ولكن معرفش إيه هو، ودي أكتر حاجة استفزتني كتبر، مكنش عندي أزمة إنك تفضل مكمل في النظرية دي وتسيب الناس تضرب دماغها في الحيط”.
