كتبت – أسماء حليمة
علق الفنان حسن أبو الروس عن تفاصيل شخصيته في مسلسل “حالة خاصة”، والتي حقق نجاحًا كبيرًا، وأعجب به الجمهور.
وتم عرض مسلسل “حالة خاصة” منذ فترة على منصة Watch It، وهو بطولة الفنان طه الدسوقي، والتي تعتبر أولى البطولات له في الدراما المصرية.
وقال حسن أبو الروس خلال تصريحات له: “أنا شوفت ناس حقيقة شبه شخصية عز، قلدتهم في حياتهم، وفي محامي بدون ذكر أسماء شبه عز بالظبط وعنده نفس البِدل والسكسوكة”.
وتابع “أبو الروس”: “قلدت الراجل ده بالظبط، لأنه زي ما هو سخيف هو بيضحك، وقدرت أخلي الناس تكرهني وده اللي كنت عايز أعمله”.
وأكمل حسن: “هو فعلًا لازم يتكره لأنه بيعمل حاجات مش كويسة، وفي الآخر خليت الناس تحبه تاني لما اتغير وبدأوا يفهموا هو ليه بيعمل كده”.
وواصل حسن أبو الروس: “المنتج طارق الجنايني لما بعتلي الدور ده اختفى فترة، فـ أنا اللي كلمته عشان أقوله أني عايز أعمل الدور ده لأن ده دور يطلع منه حاجة وإيفيهيات”.
كما تحدث أبو الروس عن تعاونه مع طه الدسوقي قائلًا: “طه شاطر وأصعب حاجه الكوميديا، وهو قدها ويقدر يضحكنا ويبكينا وأنا مكنتش مصدق نفسي؛ لأنه وقت التمثيل بيبقى واحد تاني “.
وأضاف حسن أبو الروس: “طه عرف يقلد طريقتهم والتوحد بالظبط والتعايش معاهم، قدر يحسسنا بيهم جدًا، مبسوط بالتعاون معا”.
طاقم عمل “حالة خاصة”
شارك في مسلسل “حالة خاصة” عدد من النجوم أبرزهم، طه دسوقي، هاجر السراج، علي السبع، حسن أبو الروس، غادة عادل، وغيرهم، والعمل من إخراج عبد العزيز النجار.
