كتبت – بسمة غربية
أوضحت الفنانة إيمي سمير غانم، كيف تجاوزت أزمة رحيل والديها، الفنان سمير غانم والفنانة دلال عبد العزيز، حيث أشارت إلى أنها عاشت سنتين في حالة صمت، من صدمة الموقف الذي مرت به، لكن حاليًا بدأت تتعايش مع الأمر، وتفكر في العودة للتمثيل من جديد.
حيث قالت إيمي: “قعدت سنتين عشان أفوق من صدمة وفاة بابا وماما، مش عارفة بابا وماما ماتوا من سنتين ولا 3.. مش عارفة أعد، فوقت بعد سنتين من وفاة والدي بمعنى إني أقدر أتكلم وأتعايش”.
وأكملت إيمي: “قعدت سنتين كنت في حالة صمت تام لكن حاليًا الحمد لله بقيت عارفة أتكلم، بعد الولادة بقيت مدمنة أطفال وحسن مش بيعبرني، كنت بتخانق دايمًا أنا وحسن الرداد في مسلسل عزمي وأشجان.. وبروح بيتي معيطة”.
وتابعت إيمي: “مش بحس بضغط لما بتقارن أنا أو دنيا بوالدي سمير غانم، لأن تاريخهم حافز ومساعد، أنا ودنيا عمرنا ما هنجيب ربع بابا وماما ومش صح يقارنونا بيهم، مش بحس دمي خفيف زي بابي”.
وأردفت الفنانة: “جوزي غيري تمامًا وشايف إني عجوزة وأنا صغيرة، مع الأحداث بتاعة غزة بمسك التليفون وببقى مش عارفة أتنفس ومش بنزل حاجة ومش عايزة أتحرك، أنا مبفهمش في حاجة تانية غير التمثيل”.
واختتمت الفنانة حديثها: “بابا وماما كانوا بيحبوا إننا نشتغل ودنيا بدأت الحمد لله وأنا إن شاء الله هشتغل قريب، أول مرة أحس إني مشهورة بعد مسلسل هبة رجل الغراب”.
