كتبت – مريم ناصر
أوضحت الفنانة حلا شيحة ولأول مرة عن أحداث زواجها من الداعية الإسلامي معز مسعود وطلاقها منه، موضحة أنها مرت بمراحل نفسية صعبة عقب الطلاق، وأنها لم تكن تشعر بالسعادة في حياتها كما كانت تبين للجمهور.
كما تحدثت الفنانة في مقطع مصور على قناتها الرسمية في مواقع التواصل الإجتماعي “يوتيوب”: “لما قررت ولبست الحجاب المرة الأخيرة ومكنتش عارفة أستمر فيه، لأن حصلت ظروف في الجواز والطلاق، ودا لأن كنت فاكرة أن الزيجة دي هتكون عونًا على حياة أجمل”.
وأضافت: “أن أي ست من حقها تتجوز ومن حقها إيه المناسب ليها لو ده هيساعدها إنها تقرب من ربنا وده اللي ربنا أمرنا بيه، ولما لقيت الموضوع ده مش حقيقة، ومش متظبط وفيه حاجة غلط كانت الصدمة بالنسبة لي صدمتين، لأني حساسة بزيادة وبتأثر وبتعب نفسيًا”.
واستكملت: “رد فعلي بعد الطلاق للمرة الأولى كان صعب، وكنت بسمع كلام كتير إن لما حد عنده أولاد ومبيبقاش عايز يتطلق، ولكنه بيمشي وهو مضطر بيبقى مصاب بالتروما ورد الفعل بيغير كيمية دماغه، فأنا حاسة أن ده اللي حصلي حاجة اتغيرت جوايا من كتر التعب اللي كنت فيه مريت بحالة غضب، وكنت بتكلم مع ربنا بجملة يا رب أنا زعلانة منك”.
وأضيفت: “أنا سيبت كل حاجة وجيتلك يا رب أنت ليه مش واقف جنبي، طبعًا ده مش صح مني، ولكن ده كان وقت غضب، وكنت بنتقم من جوايا من حلا، ودي مش الصورة اللي اتربيت عليها من طفولتي من طاعة، وقرب من ربنا، وزعلت من نفسي، فبقيت أحس إن أنا فعلًا في حاجة من جوايا مش صح”.
