كتبت – نورهان درويش
أعربت الإعلامية دعاء فاروق عن استيائها الشديد بسبب تخطي الناس الحواجز الأسمنتية على الطريق الصحراوي وعبور الطريق السريع، حيث أكدت أنها كانت على وشك صدم فتاة بسيارتها بسبب ذلك الفعل، موضحة أن الفتاة وأغلب المارة يتركون كوبري المشاة ويتخطون الحواجز الأسمنتية.
وقالت الإعلامية في مقطع فيديو على حسابها الشخصي بموقع إنستجرام ويظهر على معالم وجهها الخوف: “يا جماعة اتقوا الله، يا جماعة الصحراوي مش علشان تعدوا عاملين حواجز أسمنتية تقوم الناس تنط وتعدي برضوا، والله العظيم قلبي كان هيقف”.
وأضافت دعاء فاروق: “بنت بتعدي بتجري قدام العربيات وإحنا سايقين بسرعة كبيرة، والله العظيم قلبي كان هيقف، أنا فرملت على آخر لحظة، بتعملوا كده في الناس ليه؟، الصحراوي مش للتعدية ولا للمشاة، والله العظيم عاملين كباري مشاة ومحدش بيطلع عليها، بتعملوا في نفسكم كده ليه؟”.
وعلى جانب آخر، سبق وأعلنت الإعلامية دعاء فاروق دعمها لحملات مقاطعة المنتجات الأجنبية، مطالبة رجال الأعمال المصريين شراء اسم الماركات العالمية وتغيير العلامة التجارية، ودعم القضية الفلسطينية.
وقالت الاعلامية في مقطع فيديو عبر حسابها بموقع إنستجرام: “في حاجة اسمها فرانشايز اللي هي العلامة التجارية، وطول ما أنت واخد العلامة التجارية يبقى هتطلع نسبة من أرباحك للشركة الأم، يعني حتى لو أي ماركة فاتحة في مصر بناس مصريين بيروح نسبة من الأرباح للشركة الأم اللي بيملكها ناس يهود وبيكونوا بنسبة كبيرة صهاينة وبيدعموا جيش اللي ما يتسموا، دي حاجة لا تخفى عن الجميع، والمقاطعة أثرت فيهم وإحنا بنخاطب كل العرب مش المصريين بس، لأنهم بيدفعوا ضرايب وبيدعموا الجيش الصهيوني”.
