كتبت – إيمان عمارة
حرصت الفنان حسام داغر على إحياء ذكرى وفاة والدته الرابعة، من خلال رسالة مؤثرة على صفحته الشخصية، بمواقع الصور الشهيرة “إنستجرام”.
وكتب حسام على صفحته معلقاً: “النهارده سنويتك الرابعة يا ماما يا حبيبتي، وطول عمرك بتحبي الورد، وملقتش حاجه ممكن توصلك غير الدعاء والورد اللي بتحبيه، فاكره الفيديو ده لما أخواتي صورونا وأحنا داخلين من الباب من الحج في 2017”.
وأضاف داغر قائلاً: “إنتي دلوقتي في الجنة المليانة ورود، إن المتقين في جنات ونعيم، الآية بتصور النعيم الي بيوصل ليه المتقون، وأنتي وردك والفل إلي زرعتيه بيطرح كل سنة، وناس بتشمه، وبقولهم ماما الي زارعاه، وسبحان الله كان ريحته من الجنة”.
وتابع حسام داغر: “إنهارده إن شاء الله ربنا يقدرني نعملك ختمة عندي في بيتي مع حبايبك وحبايبي، ويارب ثوابها يوصلك هدية عيد ميلادك يوم 25 يناير، وذكري وفاتك يوم 18 يناير، الي يحب يشاركنا يبقاله الأجر والثواب”.
وانهى كلامه: “لو كنتي عايشة وسطينا كان زمانك تميتي 70 سنة النهارده، أكيد مكنتش هتحبي الرقم ده، بس كنا هنضحك شوية ونهزر معاكي لحد لما تنسي يا جميلة، وبشوشة وطيبة، عيد ميلادك في الجنة يا حبيبتي، مع بابا حبيبك ويارب تكوني راضية عني ووحشتيني قوي”.
