كتبت ـ مريم محمد
أرسلت الفنانة الشابة ملك زاهر رسالة مؤثرة لشقيقتها ليلى زاهر، بعد زواجها من المنتج هشام جمال، في حفل زفاف لاق رواجًا كبيرًا على الساحة الفنية.
وكتبت ملك عبر حسابها الشخصي على “إنستجرام”: “محدش فيهم عاش اللي أنا وإنتي عشناه، من أول ضحكة وإحنا أطفال لحد لحظة كتب كتابك كل لحظة في الفيديو ده هو عمر كامل بينا، هو حب وأمان، وضحك، و مشاركة، علاقتي أنا وإنتي مش شبه أي حد”.
وأوضحت: “مش مصدقة إن الوقت جري كده كنّا لسه صغيرين، وبنتخانق على اللبس، وبنستخبى من ماما، وفجأة لقيتك لابسة فستانك الأبيض، أحلى عروسة شافتها عيني”.
وتابعت ملك: “أنا بحبك أوي، حب مفيهوش شروط ولا حسابات، مع إن الفرق بيننا مش كبير، أقل من سنة بس طول عمري حاسة إنك بنتي مش أختي امبارح بنتي الي كانت بتتجوز مش اختي، وأنا الفرحة مش سيعاني، بس في نفس الوقت وحشتيني قوي من دلوقتي”.
كما اختتمت: “ربنا يسعدك يا روحي ويخليكي دايمًا قلبك مرتاح مع عريسك الي ربنا يحفظهولك، و يفضل يسعدك العمر كله، وانا دايمًا جنبك في كل خطوة، بحبك يا عروستي الحلوة، اللهم احفظ أختي وزوجها من كل سوء، وبارك لهما في حياتهما، واصرف عنهما الحسد والشر، وأدم عليهما السكينة والمودة”.
