كتبت – أسماء حليمة
تحدثت الفنانة سلمى أبو ضيف عن مسلسل “أعلى نسبة مشاهدة، والتي تم عرض أولى حلقاته في أول أيام شهر رمضان المبارك، معربة عن سعادتها بردود فعل الجمهور حول نجاح العمل.
وقالت سلمى أبو في تصريحات تلفزيونية: “المسلسل كله كان صعب وكنا بنهتم بالتفاصيل العميقة، وحياة شيماء مش سهلة إطلاقًا هي بتصحي كل يوم مش عارفة التريند والدنيا هتاخدها فين، ودا بيولد عندها إرهاق جسدي ونفسي، دائمًا”.
وتابعت سلمى أبو ضيف: “فيه ناس الظروف بتحطها في مواقف أكبر منها، وبتخليها مش عارفة تتصرف إزاي، بالذات أن بيبقى في عدم وعي وخبرة، وخصوصًا لو الشخص محتاج فلوس، فبيبدأ يشوف أي فرصة”.
وواصلت سلمى: “الناس مبقتش حاسة ببعضها ولا بتهتم بمشاعر أي شخص، وفي ناس بيكون عندها مصايب في حياتها، وكل اللي طالبينه إنهم ياكلوا ويسترزقوا، ومش بيلاقوا كمان ده للأسف وفي ناس كتيره كده”.
وأكملت “أبو ضيف”: “أنا تعاطفت مع شيماء، رغم أني مكنتش مهتمة بالتيك توك، بس لما لقيت في ناس فاتحة بيوتها من التيك توك، وعارضين حياتهم 24 ساعه للناس من أجل كسب العيش، وفيه منهم بيكسب حب الناس”.
والجدير بالذكر أن الفنانة سلمى أبو ضيف تألقت في مسلسل “أعلى نسبة مشاهدة”، والتي ينافس بقوة من مسلسلات موسم دراما رمضان 2024.
