كتبت – اسيل عادل
علقت الفنانة سلوى محمد علي على الانتقادات التي تعرضت لها خلال إدارتها لماستر كلاس للفنان سيد رجب، من داخل المتحف الروماني اليوناني، حيث جلست على الكرسي في وضعية التربيع.
وتحدثت سلوى: “شفت تعليقات الجمهور على قعدتي في الندوة، ومن حق الناس تختلف وتقول رأيها، وإحنا الممثلين لازم كل الناس تقول رأيها فينا، سواء موافقين علي اللي إحنا بنعمله أو لأ”.
وتابعت سلوى محمد علي: “اللي اختلف ليه كل الاحترام، ومش مضايقة من الانتقادات، ولما قرأت اللي اختلفوا لقيتهم انتقدوا بمنتهى الأدب، ولكن ده رأيهم، وهما أحرار فيه ومزعلنيش”.
وأوضحت علي سبب جلوسها: “سيد رجب مشهور عند بتوع المسرح إنه حكواتي، وبيحكي السيرة الهلالية اللي هي أصلها عازف الربابة أو الراوي اللي بيكون قاعد على الدكة ومربع، وأنا شايفة أن قعدتي اختارتها، لأنها مناسبة وقاعدة التربيع من أصل فرعوني”.
وأعربت سلوى محمد علي عن سعادتها بتكريم الفنان سيد رجب قائلًة: “ده شقي وإحنا فريق واحد مع أحمد كمال وخالد الصاوي وخالد صالح وحنان يوسف”.
