كتبت – نورهان سمير
أعلنت الفنانة سيمون، عن علاقتها بالفنان مدحت صالح، مؤكدة أنه كان السبب الرئيسي في شهرتها عن طريق الصدفة، كما أوضحت أنها دخلت الوسط الفني عن طريق الصدفة البحتة.
وتحدثت سيمون في احدث تصريحاته: “مدحت صالح كان سبب شهرتي بالصدفة، لأننا كنا في الجامعة وبنعمل عمل خيري وهو اتأخر وأصحابي قالولي اطلعي كده غني ومكنتش محترفة غناء، ولما غنيت حد شافني واكتشفني ووداني لأستاذ طارق كاشف ومن هنا كانت بدايتي الفنية، وقولت لمدحت صالح أنت سبب شهرتي لو مكنتش اتأخرت مكنتش طلعت”.
وتابعت سيمون: “ده بيوريكي إنك بترسمي طريق وبتفكري تعملي حاجة تانية ودراسة مختلفة وفجأة نلاقي نفسنا في حاجة تانية، أنا عمري ما اخترت أبقى فنانة يمكن لو قولتيلي هتبقي إيه كنت هقولك أبقى رياضية كان زماني دلوقتي بلعب سكواش دوليًا”.
وسبق وأن تحدثت الفنانة سيمون، عن استكمالها مشوارها الغنائي بجانب دخولها مجال التمثيل: “أنا الفن كله جالي صدفة، بس أنا من صغري اتعلمت إني أجتهد فيما أفعل، والصدفة جابتلي الغنا والتمثيل مع بعض، والمجال نفسه جه في أولى جامعة، أنا عمري ما كنت أتخيل أني هكون فنانة والموضوع كان صدفة”.
