كتبت – نرمين أحمد
روى الفنان صلاح عبد الله، تفاصيل مكالمة عبر الهاتف جمعته مع الزعيم عادل إمام، بشأن مشهد قتل ابن سعد الدالي في مسلسل الدالي الجزء الأول بطولة الفنان نور الشريف.
وقال الفنان صلاح عبد الله، خلال استضافته في برنامج صاحبة السعادة، المذاع عبر شاشة قناة DMC، والذي تقدمه الإعلامية إسعاد يونس: “إن الجمهور المصري كان يتساءل عن قاتل ابن سعد الدالي في مسلسل الدالي بطولة الفنان نور الشريف”.
وأضاف صلاح عبدالله: “مصر كلها كانت عايزه تعرف مين اللي قتل ابن سعد الدالي، في الآخر طلع فوزي الدالي اللي هو أنا”.
وبشأن مكالمته مع الزعيم عادل إمام، أوضح صلاح عبد الله: “الأستاذ عادل إمام كلمني وقالي مين اللي قتل ابن سعد الدالي، قولتله معرفش، بهدلني في التليفون وقالي يعني أنا عادل إمام والوزراء بيسألوني أقولهم معرفتش، قولتله لسه هنصور النهاية في الآخر، وهو حس أني مش عايز أقول السر اللي حير مصر كلها وقتها.
وتطرق الفنان صلاح عبد الله للحديث عن علاقته بالفنان نور الشريف، معربًا عن سعادته بعلاقة الصداقة الكبيرة التي جمعتهما، مؤكدًا أن الأخير فتح باب رزق لكثير من المخرجين والفنانين.
وإستكمل صلاح عبد الله: “نور الشريف ده ربنا جعله سبب لمخرجين كبار، ومسلسل الدالي كل اللي كانوا فيه شباب محدش يعرفهم، دلوقتي بقوا نجوم كبار زي عمرو يوسف وحسن الرداد وأحمد صفوت وغيرهم”.
