كتبت – ميار المكاوي
تحدث المطرب طارق الشيخ عن إمكانية تسجيل القرآن الكريم بصوته كصدقة جارية، بعدما طرح أدعية خلال شهر رمضان، ولاقت استحسان جمهوره بالوطن العربي.
وقال طارق الشيخ: “أنا أقول أدعية أو تواشيح، وإنما القرآن له مخارج حروف معينة، لو غلطت في نطق حرف بيغير المعنى، فأنا مقدرش أشيل الوزِر ده”.
وعن إبعاد أسرته وحياته الشخصية عن الإعلام والأضواء، علق طارق الشيخ: “للأسف لما بنيجي في برامج بيتكلموا ويتدخلوا في حياتي الشخصية”.
وأضاف “الشيخ”: “أنا راجل فنان كلمني عن فني بس، ومتكلمنيش عن أي حاجة تانية، وأنا قاصد أبعد حياتي الشخصية عن الأضواء، وأنت جايبني علشان أنا طارق الشيخ المطرب، إذًا كلمني عن طارق الشيخ المطرب”.
كما علق المطرب طارق الشيخ على خلط الجمهور بين الأغنية الشعبية والمهرجانات، قائلًا: “الخلط بين الأغنية الشعبية والمهرجان شيء سيئ، لأن الأغنية الشعبية لحد دلوقتي بتتسمع في البيوت، وبتوع المهرجانات كل يوم بينزلوا أغاني علشان هما كتير ومفيش حد بابا المجال”.
وتابع طارق الشيخ: “أنا بحب اللي يغني كويس ويغني كلمة كويسة، والمهرجانات ظاهرة وهتروح لحالها، وكل واحد بيسجل 5 أغاني وبينزل أغنية كل أسبوع وده مكانش موجود”.
