تحية محمد
المقادير:
٤ كوب دقيق، كوب حليب دافي ،معلقه خميرة ،٢معلقه سكر ،بيضه ،نص كوب زبده، رشه ملح .
الحشو:
نص كوب سكر ،٢ معلقه قرفه، ٢ معلقه زبده ،١معلقه كاكاو خام، الصوص الابيض،١٠٠ جرام جبن كريمى او جبن مثلثات، معلقة كبيرة زبدة ،نص كوب سكر بودر.
الطريقة:
ضيفي الخميرة والسكر والحليب والبيضة ،وقلبيهم مع بعض ليدوب السكر ،ضيفي الدقيق بالتدريج ،ورشه الملح واعجنى كله مع بعضه ،ثم ضيفي الزبده ،واستمري عجن واتركيها تخمر،افردي العجينه على شكل مستطيل ،وضيفي الحشو، افردي الزبد الاول علي العجينه ،ثم وزعي السكر والقرفه والكاكاو علي الزبده، ولفيها رول، وقطعيها بأحجام متوسطة،ثم ضعيهم بشكل جميل في الصنيه المدهونه سمن او زيت ،اتركي السينابون يخمر تانى لمدة ١٠ دقايق ويدخل الفرن ساخن مسبقا علي درجة حرارة ١٨٠ لمده نص ساعه، لما يخرج ضيفي الصوص الابيض ،وممكن تضيفي شيكولاته ونوتيلا او كراميل اى صوص تفضليه.
