ناديه ديهوم
علق الدكتور مبروك عطية، الأستاذ بجامعة الأزهر الشريف، على ما يردده البعض بوصف الموتى من صفوف الشباب والأطفال بأنهم عروسة أو عريس الجنة قائلًا إنه بدعة.
وقال الدكتور عطية، فى بث مباشر عبر صفحته الرسمية على موقع التواصل الاجتماعي “فيسبوك”: تعالوا بقى نشوف البدع اللي بقالنا كام شهر العيال اللي بتموت ليلة الدخلة بيقولوا عريس الجنة وعروسة الجنة.. جالك منين.. ده بدعة.
واستشهد عطية حديثه قائلًا: “أنا هقولكم حديث البخاري لما طفل مات فقالت أم المؤمنين عائشة طير من طيور الجنة، فغضب صل الله عليه وسلم وقال لها وما ادراكي؟”.
وأكمل عطية: «لا تتألى على الله.. محدش عارف ماذا صنع الله بهما، أهو طفل وميت قبل البلوغ ومسألة النار والجنة بتاعته سبحانه وتعالى».
كما استنكر ما يردده الناس وتابع: “هيبقوا العروسين اللي اتجوزوا بعد طلوع روحهم عرسان الجنة.. جنة إيه ونار إيه؟.. وطالما وديناهم الحياة الحقيقة بدأت جوه، ومحدش عارف ماذا صنع الله بهما؟.. ونستغفر لهم لأنهم الآن يسألوا”.
واختتم قائلًا: «لو كانوا عرسان الجنة يبقى ما نستغفرش لهم، لأنهم مش هيتسألوا بقى طالما هما عرسان الجنة».
