كتبت – آية عصر
حلّ الفنان علاء مرسي ضيفًا على الإعلامية ياسمين عز، في برنامجها “كلام الناس” عبر شاشة قناة mbc مصر، وعبّر الأخير عن سعادته الشديدة بهذا اللقاء، مؤكدًا أنه من مؤيدي ومحبي ياسمين عز.
وتحدث علاء مرسي قائلًا: “كانت أمنيتي إني أقابلك، وأطلع معاكي لأني أنا من الفانز بتوعك ومؤمن بقضيتك ودفاعك عنها، وإيمانك بيها، وأصبحت من الناس اللي بيتمنوا اللقاء ده”.
وأضاف: “أنا تربيت في بيت سوي وطبيعي، والرجل رجل والست ست، ولا ينقص هذا الوضع من قدر المرأة في شيء، المرأة دي هي والدتي، وبنتي، أختي، صديقتي، خالتي، وشيء عظيم جدًا وفوق الرأس، والله سبحانه وتعالى كرمها وأعطاها جميع الحقوق وزيادة”.
وتابع: “لما يطلع بشر ويقول من أيام قاسم أمين أنه سافر سنين طويلة، علشان يرجع يقول عاوز أجيب حقوق المرأة، في حين زميل له اخترع النووي، يبقى مين فيهم أفاد البشرية، لكنه كده هو أفادني بشعارات خربت بيوت وعملت تمرد في البيت”.
وواصل “مرسي”: “أنا أتربيت إني أمي ست بسيطة، وأبويا رجل البيت وسيد البيت، ولما يدخل البيت أمي تقولنا اسكتوا بابا نايم ومحدش يعمل دوشة، ومحدش يمد إيده في الطبق إلا بابا الأول، هل كان فيه قهر أو ديكتاتورية؟ بالعكس كان هيبة للبيت وكرامة وعز”.
واختتم حديثه معلقًا: “لما سألوني قلت إني متضامن معاكي، ولما حصل مقارنة مع حد تاني قلت إني ضد الحد التاني، ومن غير ما أقابلك ولا بجاملك، لكني حسيت إنك بتدافعي عن قضية المرأة قبل الرجل”.
