كتبت – ريهام محمد
تحدث الفنان عماد زيادة عن الفنانة مي عمر التي شاركها التمثيل في أكثر من عمل درامي، مشيرًا إلى أنها فرضت نفسها كبطلة على الرغم من كم الإنتقادات التي تتعرض لها.
وتابع عماد زيادة: “مفيش حاجة عافية ولا عضلات، ومي جات لها الظروف وبقت بطلة وفرضت نفسها على الساحة باجتهادها ودعم محمد سامي، لحد ما أثبتت إنها ممثلة شاطرة تستحق تكون بطلة”.
وأضاف عماد زيادة: “هي عرفت تعمل اللي غيرها معرفش يعمله، والحكاية كلها عرض وطلب، والنهاردة مي عمر نجمة وبيتعملها مسلسلات، والموضوع مش بالأقدمية”.
وعلق عماد زيادة على إظهاره لـ سياراته الفارهة في مسلسل نعمة الأفوكاتو، موكدًا إلى أنه لا يخاف من الحسد لأنه يتوكل على الله فقط.
وأشار زيادة: “الرزق مقدر بـ إيد ربنا وكلنا بنشتغل، عشان كده عمري ما بستعرض بفلوسي لأن ده مش مني ده رزق ربنا، وبستعرض بأخلاقي، ووالدي كان بيقولي كده، وممكن يكون شخص معاه فلوس لكن معندوش قبول عند الناس”.
ويذكر أن عماد زيادة شارك في موسم رمضان الماضي 2024 بمسلسل نعمة الأفوكاتو، بطولة الفنانة مي عمر، والفنان أحمد زاهر، أروى جودة، عماد زيادة، لبنى ونس، كمال أبو رية، وغيرهم، والعمل من إخراج محمد سامي.
