كتبت: هبه الله تامر
كشف الفنان عمر الشناوي عن علاقته بابن زوجته من الفنان محمد الكيلاني، مؤكدا انها علاقة طيبة وأنه يعامله مثل ولده، في الوقت نفسه إلى أن كيلاني هو المتكفل بدفع مصاريف نجله بالكامل، وجاء ذلك بعدما مازحه محمد كيلاني في منشور عبر حسابه بموقع فيس بوك، كتب: عارف أنت لو تكمل جميلك وتدفع مصاريف مدرسة حمزة السنة دي هكون شاكر جدًا.
ليرد عمر الشناوي على رودود الافعال على مواقع التواصل الاجتماعي، قائلًا: زعلت إن حاجة طبيعية وبديهية الناس تستغربها، وحاجة مؤسفة وفي ناس بعتوا لي كومنتات من نوعية شوفوا الرجالة بتعمل ايه بدال ما تمرمطوا البنات في المحاكم واستغريت من الحال اللي بقينا فيه، وأنا مش بدعي الفضيلة وفي ناس أحسن مني بكتير، والناس شايفة أنها حاجة كبيرة وهي حاجة عادية… إحنا مسؤولين لما يكون فيه أطفال لما يكبروا يكونوا عاقلين وأسوياء ونربي ناس تطور وتبني مش تهدم، وده اللي استغربته لما قرأت الكومنتات.
واختتم: ليه واحد متجوز واحدة يقول لها مش هربي عيال غيري، يعني لو واحدة مطلقة ترمي ابنها في الشارع ولا تربيه تربية سوية وعنده حنية كاملة من أمه مش مجزأة.. ابن زوجتي يعيش معنا طيلة الأسبوع باستثناء يومي الإجازة في نهاية الأسبوع يذهب لوالده، حمزة عمره 10 سنين، وعايشين مع بعض ست سنين وهو شخصيته ذكية خارق مش طبيعي مخه أكبر من سنه بكتير دايما بيطلعني غلطان لما نتناقش في سؤال علمي وهو ابني أخوات، ومحمد كيلاني ما بقاش صديقي لأن ولادنا أخوات علشان كده بعتبره أخويا ولو ماكنش في أطفال كان هيكون طليق مراتي.
