كتب – يوسف السعودي
أكد الفنان عمر حسن يوسف، أنه لم يدخل مجال الفن بواسطة والده الفنان حسن يوسف، مشيرًا إلى إن جميع أعماله جاءت له بعيدًا عن والده.
وقال عمر حسن يوسف: “أنا مدخلتش مجال التمثيل بواسطة، والدي حسن يوسف وكل أعمالي بعيده عنه، وعمري ما اشتغلت دور بسبب واسطته، ولو بشتغل بالواسطة مكنتش هقعد من التمثيل 6 سنوات”.
واكمل عن عمله مع المخرج محمد سامي، أنه عمل معه سابقًا في مسلسل الأسطورة عام 2016، وقال: “بحب الشغل مع محمد سامي، وحققت معاه نجاح كبير في مسلسل الأسطورة، ولكن مش بسأله على أدوار أشتغلها معاه لأنه عارفني وعارف إني موجود، ولو عايزني هيقولي”.
وكشف عمر حسن يوسف أسباب ابتعاده عن التمثيل لسنوات قائلًا: “مش موجود الفترة دي على الساحة الفنية، عشان بشتغل حاجة تانية جنب شغلي، والشللية بقت حاكمة، الناس بتشغل صحابهم وصحاب صحابهم، وناس كتير موهوبة وطلعت قبلي ومش بتشتغل”.
وواصل عمر حسن يوسف: “هي بقت ملهاش مقياس، وأنا مش متضايق لأني آخر حاجة قدمتها كانت مسلسل مع هالة خليل، ويحيى الفخراني، ولازم يمشوا الشغل بالطريقة الصح واختبارات تجارب الأداء”.
