كتبت – سوزان الجمال
تحدثت الفنانة غادة عبد الرازق عن كواليس تعاملها مع العقارب في مسلسلها صيد العقارب، الذي عرض في موسم رمضان الماضي 2024.
وقالت غادة عبد الرازق خلال لقائها ببرنامج كلمة أخيرة، مع الإعلامية لميس الحديدي: “العقرب اللي ظهر معايا في صيد العقارب كان صديقي، وكانوا في التصوير بيعذبوهم عذاب بشع وطلعوا بيكهربوهم عشان السم ينزل من الذيل، واتدربت 5 دقايق بس عشان أقدر أتعامل معاهم”.
وأضافت غادة عبد الرازق: “أنا مخوفتش منه، وأنا بصور فيه عقرب وقع نزلت جبتة من على الأرض، ومفيش راجل واحد من الـ 150 فرد اللي قدامي أتحرك من مكانه وجه يساعدني قولتلهم فعلًا في ضهري رجالة”.
وتابعت غادة عبد الرازق: “بتضايق من الناس اللي دايمًا عايزين يشوفوني في دور شخصية قوية بتكسر كل اللي حواليها”.
وتحدثت غادة عبد الرازق عن مسلسلها صيد العقارب، قائلة: “مسلسل صيد العقارب كسر نحس نجاحات كبيرة عليا جدًا، كنت عاوزة أتجاوزها وده اللى كنت بتمناه لأن تجاوز سقف النجاحات المحقق وتحقيق الأفضل كان نحس ولازم أتخطاه بنجاح أكبر”.
واختتمت غادة عبد الرازق حديثها قائلة: “مش كل لبسي في المسلسل كان براندات، فيه حاجات كنت لابساها وحاطة عليها علامة زارا، هو مش بالغلو، المفروض إني في العمل أبويا راجل غني غنى فاحش، فطبيعي يبقى عندي ذوق في اللبس”.
