كتبت – أسماء حليمة
تحدثت الفنانة فاطمة عيد عن أسباب استمرار زواجها 50 عامًا والحب المتبادل بينها وبين زوجها على مدار هذه السنوات، بالإضافة إلى حديثها عن سبب خيانة الرجل لزوجته.
وقالت فاطمة عيد في تصريحات تلفزيونية لها: “اللي يخلي الحب يستمر 50 سنة، الأدب بين الطرفين حتى لو الزوج غلط الزوجة المفروض تسامحه وما تغلطش زيه، لأن لو الزوجة غلطت في زوجها يبقى الدنيا خربت، هو راجل له القدسية بتاعته وله كيانه واحترامه وكل حاجة حلوة تخلي الواحدة تحطه فوق راسها”.
وتابعت: “زوجي هو أخويا وحبيبي وصاحبي وكل ما أملكه في الدنيا هو زوجي، وطالما فيه احترام متبادل مفيش غلط بيبحصل”.
وواصلت: “مينفعش الست تقل أدبها على زوجها وتفرج عليه الناس، ولو أنا اتعصبت على زوجي في ساعتها بنصفى، ولو هو غلطان بييجي يبوس راسي ويقولي أنا غلطت في حقك سامحيني وما تزعليش مني”.
وأضافت: “مينفعش الزوجة تقل بأصلها مع زوجها وترفع عليه قضايا أو دعوى خلع مهما كان زوجها وحش، مفيش داعي ننشر غسيلنا الوحش للناس ونغلط في بعض، والأدب أفضل من العلم ولو معاها 100 شهادة ومش مؤدبة تبلعهم وتشرب ميتهم”.
